يا كبار يا تييييييييييييييييييييييييت

عارفين انا عندي كام سنه عندي سنتين 2 توو

ووووووووووووووووو

يعني في حجات كتير جدا مش بعرف اعملها لنفسي او بمعني اصح مفيش حاجه اصلا بعرف اعملها لوحدي من غير مساعده ماما

بس بضايق اوي اما احس اني عبء عليها وعايزه تخلص من همه او قرفه علي حد قولها

استنوا هحكيلكوا جزء من الكلام اللطيف الي بسمعه طول

اليوم:

يووووووو

ووووووووووووووووووووووووه انت صحيتي من النوم انتي لحقتي ننامي (طبعا ده البديل العصري لكلمه صباح الخير )

اصبري بقي عشان اعملك الاكل او ترضعني لما كنت بيبي

وعايزه كل الاكل يخلص بسرعه ومش عايزه دلع انا زهقت وده طبعا عايزه تقولي

:( يلا ناكل مم جميل عشان بطتي تكبر وتبقي اموره او مثلا انها تعملي سندويتشات زي دي)

اتفضلي قعدي بقي قدام التلفزيون قدام الكرتوووووون انامش فضيالك

شويه وبابا هيجي وعايز يجي لاقي ا لاكل جاهزماهواناالشغاله الي جابهالكوا

يووووووووووووووووووووهو انت عملتي بيبي اتفضلي بقي

عشان اغيرلك حاج

ه تقرف

(اوالله يا مامتي يا حبيبتي لو كان بايدي كنت بطلت اعمل بيبي عشان اريحك)

ماما عايزه العب معاكي

انت عبيطه انت مش شيفاني مشغوله ومش فاضيه قدام الكمبيوتر(وطبعا هي بتبقي بتشوف 15 حلقه علي اليوتيوب من ميرنا وخليل فعلاحاجه مهمه جدا)

وعلي الساعه 9 كده يبدا بقي السؤال الغريب (هو انت مش تنامي ) وطبعا بكون نمت الضهر شويه غصب عني

عشان اريح ماما شويه مني بس يعني هو ينفع ابقي نايمه طول النهار

وكمان طول الليل

وطبعا بنام وامري لله من غير حدوته لاوكمان بسمع ماما بتكلم صحابتها ف

ي التلفون تقولها اهي الحمد لله نامت بعد ايه كانت هتجنني انا مش عارفه ايه الي عملناه في نفسنا ده ما كنا مرتاحين يقطع الجوازعلي الخلفه

وه كان ملخص يومي الظريف والمطلوب مني اني اكون شخص متنح قدام التلفزيون بياكل الاكل الي ممته تديهوله كله مش مهم عجب

ه طعمه او شكله ولا لا شخص بينام و

قت ما ممته تقوله لازم تنامي دلوقتي حتي لو لسه صاحيه من النوم شخص وحيد بيلعب لوحده وياكل لوحده وميعملش بيبيبي عشان ممته ماتضياقش

بصراحه الكبار دول تييييييييييييييييييييييييييييييييييت

مشكلتي مع انتمتي

صحبتي الانتيم عندها 6 شهور زعلانه من ممتي جدا جدا وقالتلي ممكن تخلي ممتك تبطل تقول نصايح مستفزه لممتي ي
خير بس زعلانه ليه ؟؟؟؟؟؟ قالتلي ممتك عماله تقول لممتي حجات غريبه انا مش فاهمه هي يعني عشان جابت بيبي مره واحده تبقي خلاص خبيره تربويه
كل ما تشوف ماما تقولها :

ايييييييييه ده بلاش تشليها هتعوديها علي الشيل حطيها في الكرسي بتاعها
وهاتولها كرسي للعربيه بلاش تحطيها علي رجلك
والاكل تجيبلها كرسي للاكل في البيت والنووووووم نيميها علي سريرها مش جمبك ايه بقي الظلم ده م

انا بيبي يا طنط انا بخااااااااااااااااااااااااااااف

محتاجه اسمع دقات قلب ممتي عشان اعرف انام محتاجه اقعد علي رجلها في العربيه عشان احس بالامان من الحاجه الكبيره الي بتتحرك دي
والاكل انا مش عايزه ااكل انا عايزه ارضع من ماما وبس وحتي لما اجي اكل عايزه احس بممتي لمساني عشان احس بالامان

واكيد لما اكبر شويه واكون مستعده اني انفصل عن ماما واحده واحده هنفصل مش انتي برده يا فطومه حصلك كده لما بداتي تكبري وتمشي مبقتيش لازقه في ممتك وبقت بتجري وراكي في كل البيت

طب ايه بقي بلاش تعذيب انا بحس بالامان لما اشم ريحه ماما من قريب واسمع دقات قلبها والمس اديها هو ده بس احساس الامان الوحيد لكن الكرسي البلاستيك البارد لالالالالا انا بكرهه
ارجوكي تقولي لممتك كفايه نصايح بقي ملهاش لازمه

.

والله البنت دي معاها حق ورجعتني لورا يجي سنه وسته شهور فعلا انا كنت بحس بالامان مع ماما ولغايه دلوقتي بحتاج اني ادفي في حضنها وانا بنام حتي وانا عارفه انها لما اروح في النوم هتحطني في السرير بس الامان الامان يا كبار واه لو تفهموا احنا بنحس بايه

وعموما متزعليش يا صحبتي بس دي ممتي الي مغلباني اعمل فيها بس

اصحاب ماما بلييييييز بلاش نصايح لولبيه حلزونيه

بصوا بقي انا هدخل في

الموضوع علي طول عشان انا مضايقه بجد

كنا في مول تحفه امبارح اناا وماما

واصحابها كان يوم حلو وانا بالنسبالي كطفله عندي

سنتين المول بالنسبالي يعني كارت الشحن بتاع المراجيح الي بديه لعمو عشان يشغل المرجيحه

اول ما دخلنا المول ماما ودتنا علي المرجيحه وقالتلي يلا اختاري انهي واحده ولما اخترت ادتني الكارت عشان اديه لعمو يا جماعه انا بجد كنت مبسوووووووطه جدا وفعلا اتمرجحت وكنت مبسوطه

الحاجه التانيه الي بحبها في المول الايسكريم بالفراوله وبفرح لما ماما تجيبهولي

ولما قلت لماما قالتلي حاضر وقامت عشان تجيبلي وهنا بقي قالتلها طنطصاحبتها

وبعديييييييين بقي هو انت كل ما هتطلب منك حاجه هتعميهالها ايه الدلع ده

فردت واحده تانيه صاحبه ماما قالتلها لا هو مش كل حاجه بس الايس كريم حق مشروع للطفل

وانا بقيت خايفه ماما تتاثر بكلامها ومتجبيلش الي بقولها عليه

انا بس عندي سؤال هو احنا لابسين هدوم الخروج وروحنا المول يوم الجمعه عشان ايه

مش عشان افرح واخرج والعب طيب ايه المبالغه والدلع في المراجيح والايس كريم هو انا يعني طلبت اني اروح ديزني لاند

انا طفله بحب المراجيح واللعب والايس كريم والهابي ميل من عند ماكدونلز يعني طلباتي بسيطه والحجات الي تفرحني بسيييييييييطه جدا

ولو مش عايزين تجبولي منها يبقي بلاش تودوني عندها

ولا هو غيظ وخلاص

ويلا باي الايس كريم هيسيييييح

وانا بفكر في كل الكلام ده لقيت ممتي حبيبتي قالتلها يا شيخه دول محبوسين طول الاسبوع يعني يوم ما نخرجهم كمان منفرحهمش

وجابتلي ممتي الايس كريم

شكرا يا ممتي يا حبيبتي ويا ريت متتاثريش بكلام حد وتفضلي طيبه كده علي طول

انا النهرده جايبالكوا مواقع حلوه جدا جدا انا وماما بفتحها علي النت ونقعد نلعب كتييييييييييير واحلي حاجه لما ماما تقولي المرادي دوسي انت علي الموس واعملي كده والاقي الكمبيوتر بيقولي شطووووووووووووره

اتفضلوا :

ده حلو جدا وفي حجات لذيذه ومفيده

http://www.first-school.ws/INDEX.HTM

http://www.disneyme.com/disney-junior/index.jsp

ده بقي تحففففففففففففففه عشان في ميكي وبوه الي انا بحبهم جدا

http://www.preschoollearning.vacau.com/

دي اشكال الحيونات الي انا عملتها مع ماما لو عايزين تعملوا زي وتعرفوا اسمائهم

هنحتاج:

مقص ولزق واطباق بلاستيك ووورق ملون

ن

كوكيز تحححححححححححححححفه

عملنا كوكيز حلو جدا قلت لازم اجيبلكوا الطيقه عشان تعملوه مع اولادكوا
المقادير :
ا كوب سكر
تلاته ربع كوب زبده
ا بيضه
امعلقه صغيره فانيلا
4كوب دقيق
1معقله صغيره بيكنج بودر
ربع معقله ملح
مربعات شكولاته خام
الطريقه :

نشغل الفرن علي درجه حراره ३५० فهرنت

نخفق البيض والسكر والزبده والفانيلا بالضرب الكهربي

علي سرعه متوسطه لمده دقيقه او دقتين خففي السرعه اضيفي الدقيق والبكنج بودر والملح واستمري بالخفق دقيقتين

قسمي العجينه قسمين اخلطي نصفها بالشكولاته باليد لتصبح لدينا عجينه شكولاته وعجينه ساده
شكلي العجينه دوائر صغيره وكبيره حسب شكل الدبدوب وطبعا هنخلي اولادنا يساعدونا بعد ما يغسلوا اديهم

نضعها في صينيه الفرن فوق ورقه زبده وتخبز ७ دقائق

وبالهنا والشفا

الاشكال الهندسيه

ودي بقي الاشكال الهندسيه

المثلث والدايره والمربع اتعلمتهم النهرده وكمان لونتهم

في الاول شفت صورتهم وبعدين ماما قالتلي اسمهم

وانا لما حفظته قعدنا نعمل اشكال بالصلصال علي شكل المربع

والمثلث والدايره

وفي الاخر لونت الصوره الحلوه دي وعرفت ان اسمها شمس

ولونتها بالاصفر والاورنج

النهرده ذاكرت مع ماما الالوان

النهرده عرفت الالوان الاحمر والاصفر والاخضر والازرق

وعفت كمان اسمائهم بالانجليزي

وماما خلتني الون الاوراق دي بالوانها الحقيقه

يلا اطبعوا الاوراق دي لاولادكوا انا كنت مبسوطه جدا النهرده وانا بلون مع ماما

حجات بتفرحني اوي اوي وحجات بجد بتزعلني من ماما وبابا

النهرده هحكيلكوا علي الحجات الي بتفرحني وتخليني مبسوطه والحجات الي بضايقني وتزعلني جدا وكل الامهات الي هنا اقروا الكلام ده وحاولواتفهموا انا قصدي ايه ممكن ممكن

*لما بنتوضي ونصلي انا وماما وتلبسني طرحه زيها وتفرش سجاده صلاه صغبره قدامي وبندا سوا بحس اني كبيره زيها وبعمل الحجات الي هيا بتعملها

*لما بلبس هدومي واخرج مع ماما وبابا بس المهم يكونوا مبسوطين يعني وشهم بيضحك مش مكشرين وبعدين نروح المول الي فيه مراجيح كتير ونتمرجح سوا انا وماما وبابا مش بحب اتمرجح لوحدي بعد شويه ماما تعرف اني بقيت جعانه تقولي يلا نروح ماكدونالز ونجيب اكل كتير وناكله سوا احنا التلاته احلا حاجه اننا نعمل كل الحجات سوا

*لما احكي لماما او بابا حكايه طويله حصلتلي وهما يفضلوا باصين في عنيا ومركزين معايا ويردوا عليا كمان

*لما يبقي عندنا في البيت ناس كتير ومعاهم اطفال قدي او اصغر بلعبوا معايا باللعب بتاعتي ببقي فرحانه جدا

*لما اكون بعيط او خايفه وماما او بابا ياخدني في حضنه ويقولي معلش خلاص اهدي ياااااااااااااااااااه بحس بالامان جدا جدا

*لما اعمل حاجه غلط وابقي متوقعه رد فعل عنيييييييييييف من ماما واقول ربنا يستر الاقيها بتاخدني في حضنها وتقولي خلاص انا عارفه انه مش قصدك بس المره الجايه خدي بالك خلاص متزعليش يااااااه بفرح اوي

شوفتوا بقي الحجات الي بتفرحني مش حجات صعبه ولا هيا حجات محتاجه وقت بس انتوا سعات مش بتاخدوا بالكوا

رسايل لممتي حبيبتي

ماما انا بحبك بس عايزه اطلب منك كام حاجه كده عشان احنا قاعدين مع بعض طول النهار سوا لوحدنا فبلاش نضايق بعض ممكن تسمعيني:

ارجوكي بلاش كل كلامك يبقي اوامر سيبي ده عيب كده كده كخ ده وحش متعمليش كده وشخط شخط شخط وزعيق وانا مش فاهمه في ايه بشويش يا ماما انا الحمد لله بسمع كويس صوتك مش لازم يبقي عالي

*ماما لو عيزاني اقولك سوري ومن فضلك هاتي لي كذا ووشكراا يبقي انا لازم اسمع منك الكلام ده الاول وكمان لازم اسمعه من بابا عشان اتعلمه واحفظه

*ماما انا بحب كل اصحابنا الي هنا بس ياريت متقوليش عليا حاجه وحشه قدامهم لاني فعلا بتكسف جدا واحس اني وحشه وهما هيبطلوا يحبوني كمان بلاش لما بابا يرجع من الشغل اول ما يدخل وهو جي فرحان وعمال يبوس فيا تقوليله دي كانت وحشه جدا النهرده ازعل منها يا بابا طب ليه كده بس مش فاهمه

*كمان انا مش فاهمه ليه انت وبابا لازم لما تتكلموا يبقي صوتكوا عالي وتزعلوا من بعض ما تتكلموا عادي بصوت واطي انا بخاف اوي لما بشوفكوا زعلانين من بعض

*ماما انا بفرح اوي لما بنعمل حاجه سوا انا وانت يعني مثلا نعمل كيكه زي النهرده او ننشر الغسيل سوا او ننضف الدنيا مع بعض فياريت نعمل كده علي طول وبلاش تقوليلي روحي العبي لوحدك في اوضتك انا بحبك وبحب اقعد معاكي

واخيرا ماما متزعليش مني انا بحبك اوي اوي وبحاول مزعلكيش بس انا مش بيكون قصدي والله بحبك يا ماما انت وبابا جدا جدا

*

السلام عليكم

انا اسمي فطومه او بطه او فاطي يعني هو في الحقيقه انا اسمي فاطمه بابا سماني كده علي اسم تيته ممته الي اختفت فجاه زي كل الناس الطيبين الي انا بحبهم والله كلهم اختفوا فجاه اخت ممتي الي كانت بتلعب معايا وتجبلي حجات حلوه كتير وتتخانق مع ماما لما تزعلني وكان معاها في البيت تيته الي كانت طيبه جدا جدا وبتحبني وتلعب معايا وتاكلني حجات طعمها يجنن وماما كانت سعات بتاخدني معاها ونروح عند تيته تانيه وجدو بابا بابا وكان عندهم اولاد كتير بلعب معاهم وكانوا حلوين جدا معفرش الناس دي كلها راحت فين فجاه كده ركبنا طياره انا وماما ولقينا بابا بعدها واقف مستنينا وقعد يبوس فيا وخلاص كل الناس الطيبين والحجات الحلوه الي كنت بشوفها اختفت فجاه

نفسي افهم بس راحوا فين محدش فهمني خالص( اكتر حاجه بضايقني لما ماما تلبسنس وتاخدني في ايدها من غير ما تقولي رايحين فين)

وخلاص دلوقتي عايشين في بيت جديد بس انا لسه بخاف منه وبخاف لما مامي تختفي من قدامي او تدخل الحمام وتسيبني بابا بيخرج الصبح مش عارفه بيروح فين وبيرجع سعات بيجبلي حجات حلوه وسعات بنخرج نركب العربيه معاه

واول ما نركب العربيه بقي تبدا المعركه

انا هنام دلوقتي بس لما اصحي هحكيلكوا حكايه معركه العربيه بيني وبين ماما وبين بابا